Minilliklər boyu formalaşan mədəniyyət, ənənələr, sosial irs, hekayələr və dərin tarixi təcrübənin vəhdəti olan zəngin türk mətbəxi özünəməxsus kulinariya ənənələrini dünyaya tanıtmağa davam edir.
Hər il 21–27 may tarixlərində həm Türkiyədə, həm də dünyanın müxtəlif ölkələrində qeyd olunan Türk Mətbəxi Həftəsi bu il beşinci dəfə keçiriləcək. Türkiyə Respublikasının Birinci Xanımı Emine Erdoğan himayəsində təşkil olunan həftənin 2026-cı il mövzusu “Bir Süfrədə Miras” (“The Heritage Table”) olaraq müəyyən edilib.
