Ağdam və Füzuli rayonlarında Ümummilli Lider Heydər Əliyevin anadan olmasının 103-cü ildönümü ilə əlaqədar tədbir keçirilib.
"Far.Az"un Qarabağ bürosunun məlumatına görə, Ağdam şəhərindəki "Hilton Garden Inn Ağdam Hotel"də və Füzuli şəhəri 1 nömrəli Mirzə Uluqbəy adına orta məktəbdə Heydər Əliyevin zəngin irsini və fəaliyyətini əks etdirən sənədli filmin təqdimatı baş tutub.
Ağdam da keçirilən tədbirdə Ağdam, Füzuli və Xocavənd rayonlarında Azərbaycan Prezidentinin xüsusi nümayəndəsi Emin Hüseynov Ulu Öndərin ölkəmizə xidmətlərindn bəhs edib.
Tədbirdə Ulu Öndər Heydər Əliyevin həyat və fəaliyyətindən bəhs edən "İz" sənədli filmi nümayiş olunub.
Həmçinin Ümummilli Liderin anadan olmasının 103-cü ildönümü ilə alaqədar Ağdam şəhərində ağacəkmə aksiyası da həyata keçirilib. Aksiya Ağdam Mərkəzi Park ərazisində baş tutub.
