Lent az saytından alınan məlumata görə, ain.az bildirir.
Banan dünyada ən məşhur meyvələrdən biridir - qidalıdır, şirindir və ilin hər fəslində tapılır. Mağaza rəflərində olan bütün bananlar eyni keyfiyyətdə olmur.
Lent.az xarici mediaya istinadən xəbər verir ki, mütəxəssislər düzgün seçim etməy yalnız dadlı meyvə almağa yox, həm də sağlamlıq problemlərindən qorunmağa kömək etdiyini bildirir.
Hansı bananları almaq olmaz? Əsas əlamətlər
Qabığında çatlar olan bananlar
Əgər bananın qabığında dərin çatlar və ya zədələr varsa, onu almaq məsləhət deyil. Açıq yerlərdən bakteriyalar və kir meyvənin içinə asanlıqla daxil olur. Xüsusilə yapışqanlıq və ya şirə sızması varsa, bu artıq təhlükə siqnalıdır.
Böyük qara ləkələri olan bananlar
Kiçik qara nöqtələr normal yetişməni göstərir. Amma iri və yayılmış qara ləkələr artıq həddindən artıq yetişmə və ya düzgün saxlanmama əlamətidir. Belə bananların içi qaralmış olur və dadı xoş olmur.
Boz və solğun rəngli bananlar
Keyfiyyətli bananın qabığı parlaq sarı olur. Əgər rəngi solğun, boz və ya qeyri-təbii görünürsə, bu onun düzgün daşınmadığını və ya soyuğa məruz qaldığını göstərə bilər. Belə meyvələr dadını və faydasını itirir.
Həddindən artıq yumşaq bananlar
Əgər banan barmaqla asanlıqla əzilir, deməli artıq yetişib. İçində fermentasiya prosesi başlaya bilər, bu da dadını pisləşdirir və həzm problemlərinə səbəb ola bilər.
Qıcqırma qoxusu olan bananlar
Təzə bananın qoxusu yüngül şirin olur. Əgər turş və ya spirtə bənzər kəskin qoxu gəlirsə, bu artıq xarab olma əlamətidir. Belə bananları endirimdə olsa belə almaq olmaz.
Tam yaşıl bananlar
Tam yaşıl bananlarda nişasta çox olur və onlar daha çətin həzm olunur. Üstəlik, evdə yetişsə belə, bəzən tam dadını almır. Ən yaxşı seçim — sarı rəngli və üzərində az miqdarda xırda qara nöqtələri olan bananlardır.
Ən son xəbərləri və yenilikləri almaq üçün ain.az saytını izləyin.
