Respublika Pediatriya Mərkəzinin direktor vəzifəsinə Rəhimov Erkin Xəyyam oğlu təyin olunub.
AFN.az xəbər verir ki, E.Rəhimov 2012-2014-cü illərdə “İstanbul Memorial Hizmet” Xəstəxanasında Neonatologiya şöbəsinin rəhbəri olaraq fəaliyyət göstərib. 2014-cü ildən hazırkı təyinatınadək “Baku Medical Plaza”nın Pediatriya şöbəsinin müdiridir.
E.Rəhimov eyni zamanda Azərbaycan Respublikası Səhiyyə Nazirliyinin pediatriya üzrə mütəxəssis-ekspertidir.
Xatırladaq ki, Mərkəzin əvvəlki direktoru Azər Əhmədov ötən gün vəzifəsindən azad olunub. Yeni təyinat müəssisədə tibbi xidmətin keyfiyyətinin artırılması və idarəetmənin təkmilləşdirilməsi məqsədi daşıyır.
Erkin Rəhimovun peşəkar təcrübəsi:O, həm ölkə daxilində, həm də xaricdə tanınmış pediatr-neonatoloqdur. Uzun illər özəl və dövlət tibb müəssisələrində rəhbər vəzifələrdə çalışaraq uşaq sağlamlığı sahəsində mühüm layihələrin icrasında iştirak edib.
