Xəbər verdiyimiz kimi, ekologiya və təbii sərvətlər nazirinə birinci müavin təyin olunub. Prezident İlham Əliyevin Sərəncamı ilə Ağakərim Ağasəməd oğlu Səmədzadə ekologiya və təbii sərvətlər nazirinin birinci müavini təyin edilib.
FED.az xəbər verir ki, Ağakərim Səmədzadə Bakı Dövlət Universitetində filologiya və hüquq ixtisasları üzrə, Azərbaycan Prezidenti yanında Dövlət İdarəçilik Akademiyasında dövlət idarəçiliyi üzrə təhsil alıb, Rusiya Federasiyasında hüquq üzrə magistr dərəcəsinə yiyələnib.
Əmək fəaliyyətinə "Azəravtoyol” Dövlət Şirkətində başlayıb, daha sonra Ədliyyə Nazirliyində müxtəlif rəhbər vəzifələrdə çalışıb. İqtisadiyyat Nazirliyinin tabeliyində fəaliyyət göstərən "Azərbaycan İnvestisiya Şirkəti” ASC və "Azərbaycan Biznesinin İnkişafı Fondu”nda rəhbər vəzifələr tutub.
Dövlət qulluğunda səmərəli fəaliyyətinə görə bir sıra medallarla təltif olunub, "baş ədliyyə müşaviri” xüsusi rütbəsinə layiq görülüb.
Azərbaycan, ingilis, rus, türk dillərini bilir.
