Azertag saytından verilən məlumata əsasən, ain.az məlumatı açıqlayır.
London, 16 may, AZƏRTAC
Londonda bu gün on minlərlə insanın iştirakı ilə iki rəqib aksiya keçirilib.
AZƏRTAC BBC-yə istinadla xəbər verir ki, aksiyalardan biri ifrat sağçı fəal Tommi Robinsonun təşkil etdiyi “Unite the Kingdom” yürüşü, digəri isə Fələstinə dəstək nümayişi olub. Paytaxtda təhlükəsizliyi təmin etmək üçün 4 mindən çox polis əməkdaşı səfərbər edilib. Əməliyyat zamanı dronlardan, atlı polis dəstələrindən istifadə olunub, həmçinin zirehli texnika ehtiyatda saxlanılıb.
Metropoliten polisi bildirib ki, bu əməliyyat son illərin ən böyük təhlükəsizlik tədbirlərindən biri hesab olunur. Yerli vaxtla saat 16:30-a olan vəziyyətə əsasən ümumilikdə 31 nəfər saxlanılıb. Polis qüvvələri iki ayrı aksiyada iştirak edənlərin bir-birinə yaxınlaşmasının qarşısını almaq üçün marşrutlar boyunca baryerlər quraşdırıb.
Aytən Abbaslı
AZƏRTAC-ın xüsusi müxbiri
London
Sonrakı hadisələr barədə daha çox məlumat almaq üçün ain.az saytını izləyin.
