Konqo Demokratik Respublikasında bir neçə ABŞ vətəndaşı Ebola virusuna yoluxan insanlarla təmasda şübhəli bilinirlər.
"Report" xəbər verir ki, bu barədə "STAT News" nəşri məlumat yayıb.
Qeyd olunub ki, bəzi amerikalılar yüksək yoluxma riski ilə üzləşmiş ola bilərlər. Onlardan birində artıq xəstəliyin simptomlarının inkişaf etdiyi güman edilir.
Ümumdünya Səhiyyə Təşkilatının məlumatına görə, İturi əyalətində laboratoriyada təsdiqlənmiş 8 yoluxma halı, 246 şübhəli hal və 80 ölüm hadisəsi qeydə alınıb. Uqanda həmçinin Konqo Demokratik Respublikasından gələn səyahətçilər arasında təsdiqlənmiş iki yoluxma halı qeydə alıb.
Qeyd olunur ki, hazırkı epidemiyanın səbəbi Bundibugyo ştammıdır. Daha çox yayılmış Zaire ştammından fərqli olaraq, onun üçün təsdiqlənmiş peyvəndlər və ya spesifik müalicə üsulları yoxdur.
