Amerikanın investisiya bankı və maliyyə xidmətləri holdinq şirkəti JPMorgan Chase 2026-cı il üzrə qızılın unsiyasının orta qiyməti proqnozunu 5708 dollardan 5243 dollara endirib.
Marja.az-ın məlumatına görə, Bankın açıqlamasında bildirilib ki, proqnozdakı bu düzəliş 2026-cı ilin ilk aylarında qeydə alınan daha aşağı qiymət səviyyələrini əks etdirir.
Bununla belə, JPMorgan Chase 2026-cı ilin sonu üçün təxminən 6 000 dollar/unsiya səviyyəsində olan əsas ssenari proqnozunu qoruyub saxlayıb.
Bank ilin ikinci yarısında tələbin yenidən sürətlənəcəyini və bunun qızıl qiymətlərində güclü artımı dəstəkləyə biləcəyini qiymətləndirib.
