Adelet.az saytından verilən məlumata əsasən, ain.az məlumatı açıqlayır.
“Az qala 3 il öncədən bilinirdi ki, bu tarixdə Bakıda qlobal forum keçiriləcək. Tədbirlərlə bağlı Prezident sərəncam imzalayıb, Təşkilat Komitəsi yaradılıb, məsul şəxslər müəyyənləşdirilib. Amma qəribədir ki, belə bir beynəlxalq tədbirin keçirildiyi gündə DİM ölkə əhəmiyyətli magistratura imtahanı da planlaşdırıb.
Adalet.az xəbər verir ki, bunu Azərbaycan İnternet Forumunun prezidenti Osman Gündüz deyib.
O, bildirib ki, bu necə koordinasiyadır:
“Təşkilat Komitəsi bu tip məsələləri nizamlamalı deyildimi? Bir tərəfdə şəhərdə geniş təhlükəsizlik tədbirləri, bağlanan yollar və yüksək trafik var, digər tərəfdə isə minlərlə insanın vaxtında çatmalı olduğu, ölkə miqyaslı bir imtahan. Xeyli sayda insanlar da yollarda qalıb, imtahana gecikib və ya ümumiyyətlə imtahana çata bilməyib. Bunların hamısı da əvvəlcədən bilinən məsələlər idi. Rəqəmsallaşmadan, “smart city”, müasir şəhər idarəçiliyindən danışırıqsa, ilk növbədə dövlət qurumları arasında məlumat paylaşımı, vahid planlama və koordinasiya işləməlidir. Əks halda bütün bu plansızlığın nəticəsini yenə vətəndaş yaşayır. Vətəndaşlarımız yollarda qalır, stress keçirir, imtahana çata bilmir və bununla da dövlət idarəçiliyinə inam zədələnir”.
O.Gündüzün sözlərinə görə, yüksək səviyyəli forumlar keçirmək çox yaxşıdır, lakin bununla iş bitmir axı:
“Əsas məsələ eyni zamanda qurumlar arasında intizamın, məsuliyyətin, koordinasiyanın vəidarəetmə mədəniyyətinin işləməsidir. Ümumiyyətlə son zamanlar baş verənlər göstərir ki, dövlət intizamının gücləndirilməsi üçün, həmçinin tapşırılan işə cavabdehliyin və məsuliyyətin gücləndirilməsi üçün daha sərt tədbirlər görülməlidir”.
Vasif ƏLİHÜSEYN
Sonrakı hadisələr barədə daha çox məlumat almaq üçün ain.az saytını izləyin.
