ABŞ ordusunun İran əməliyyatı üçün xərcləri 79 gün ərzində 85 milyard dolları keçib.
Yeniavaz.com xəbər verir ki, bu barədə “Iran War Cost Tracker” portalı hesabat yayıb.
Portalın real vaxt rejimində hesabatı Pentaqonun martın 10-da Konqresə verdiyi brifinqə əsaslanır. Brifinqdə Vaşinqtonun Yaxın Şərqdəki döyüşlərin ilk altı günündə 11,3 milyard dollar xərclədiyi və münaqişənin hər sonrakı günündə əlavə 1 milyard dollar xərcləməyi planlaşdırdığı bildirilir.
Hesabata görə, bu məqsədlərə xərclənən məbləğ, Maliyyə Nazirliyinin hərbi katibinin müavini vəzifəsini icra edən Culs Herst tərəfindən əvvəllər bildirilən rəqəmdən təxminən üç dəfə çoxdur. Nümayəndələr Palatasının Təxsisatlar Komitəsində keçirilən dinləmələrdə Herst Vaşinqtonun İrana qarşı hərbi əməliyyata təxminən 29 milyard dollar xərclədiyini bildirib.
