Ukrayna əvvəlkindən daha çox Almaniyadan hərbi yardım alır. Ukraynanın Almaniyadakı səfiri Oleksiy Makeyevin sözlərinə görə, yeni federal hökumət Kiyevə dəstəyi "həm kəmiyyət, həm də keyfiyyət baxımından" artırıb, baxmayaraq ki, detallar artıq ictimaiyyətə açıqlanmır.
Herbiand.az xəbər verir ki, bunu səfir “Tagesspiegel” qəzetinə verdiyi müsahibədə bildirib
Makeyevin sözlərinə görə, həm əvvəlki, həm də hazırkı Almaniya hökumətlərinin 500 km-ə qədər mənzilli TAURUS qanadlı raketlərini Ukraynaya təhvil verməkdən imtina etməsi artıq müharibənin gedişi üçün həlledici deyil.
"Bizim bu cür öz imkanlarımız artıq xeyli müddətdir ki, var - dronlar və qanadlı raketlərdən istifadə edərək Rusiyanın 1500-2000 kilometr dərinliklərindəki hədəflərə çatırıq", - deyə ukraynalı diplomat izah edib.
Səfir etiraf edib ki, Almaniyanın TAURUS raketi hələ də müəyyən hərbi məqsədlər üçün xüsusilə təsirli olacaq. Lakin, "müzakirə öz innovasiyalarımız sayəsində dəyişib" və Ukraynanın "artıq TAURUS-a bu qədər təcili ehtiyacı yoxdur", - deyə Aleksey Makeyev qeyd edib.
