BMT Azərbaycan hökümətinə dəstək göstərməyə hazırdır.
"Report" xəbər verir ki, bunu BMT-nin Azərbaycandakı müvəqqəti rezident əlaqələndiricisi İqor Qarafuliç Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "Xəzər regionunda iqlimədavamlı şəhərlər və icmalar: Şəhər uyğunlaşması üçün şaquli iqlim maliyyələşdirilməsi" mövzusunda yüksəksəviyyəli dialoqda çıxışı zamanı deyib.
Onun sözlərinə görə, WUF13 insanlardan iqlimə qədər bütün istiqamətlərdə faydalı əməkdaşlıq üçün uyğun platformadır:
"Biz də bu təşəbbüsü yüksək qiymətləndiririk və atılacaq müsbət addımlarda dəstək göstərməyə hazırıq".
