İranda internetə çıxışın bərpası istiqamətində mühüm addım atılıb.
Musavat.com xəbər verir ki, İran Prezidenti Məsud Pezeşkian internetə çıxışın bərpa olunması barədə rəsmi fərman imzalayıb.
Pezeşkian bildirib:
“Biz insanların hüquqlarını özlərinə qaytarmaq üçün çətin bir yol keçdik”.
Məlumata görə, Birinci vitse-prezident Məhəmməd Rza Arifin sədrliyi ilə keçirilən iclasda internetin 2025-ci ilin dekabrından əvvəlki vəziyyətinə qaytarılması barədə qərar qəbul edilib.
Qərar 9 lehinə, 3 əleyhinə səslə Prezident Administrasiyasına göndərilib. Təsdiqlənəcəyi təqdirdə sənədin icrası Rabitə Nazirliyinə həvalə olunacaq.
“Asr İran”ın yaydığı məlumata görə, Məhəmməd Rza Arif qlobal internetə çıxışın vacibliyini vurğulayaraq bildirib:
“Qayda pozan bir sürücüyə görə magistral yolu bağlamırlar. Niyə bir tələbə akademik işləri üçün internetinin açılmasını yalvararaq istəməlidir?”
O qeyd edib ki, xalqa güvənmədən internetin bağlanması ictimai kapitala zərbə vurur və texnoloji inkişaf imkanlarını zəiflədir.
Musavat.com
