Azərbaycanda 2028-2030-cu illərdə suvarma suyunun keyfiyyət monitorinqi və idarəetmə sisteminin yaradılması planlaşdırılır.
"APA-Economics" xəbər verir ki, bu məsələ "Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026−2030-cu illər üçün Dövlət Proqramı"nda əksini tapıb.
Sənədə əsasən, irriqasiya və meliorasiya şəbəkələrində olan suyun analizinin aparılması mexanizminin formalaşdırılması ilə bağlı təkliflər hazırlanacaq. Eyni zamanda azı 3 pilot regionda su keyfiyyəti monitorinqi sistemi tətbiq ediləcək.
Bununla yanaşı, əsas irriqasiya və meliorasiya şəbəkələri üzrə su keyfiyyəti monitorinqi sistemi tətbiq olunacaq.
