Ralli üzrə dünya çempionatının (WRC) lideri Elfin Evans Yaponiya Rallisinin cümə gününü ümumi hesabda birinci pillədə başa vurub.
90deqiqe.Az xəbər verir ki, “Toyota” komandasının pilotu əlverişli start mövqeyindən yararlanaraq günü ikinci yerdə olan Oliver Solberq üzərində 15,7 saniyəlik üstünlüklə tamamlayıb.
“Toyota” ev mərhələsində tam üstünlük nümayiş etdirib və ilk dörd pilləni zəbt edib. Sebastyan Oje üçüncü yerdə qərarlaşıb və liderdən 17,1 saniyə geri qalıb. Sami Payaari isə dördüncü pilləyə yüksəlib.
Evans “Isegami’s Tunnel” xüsusi mərhələsində göstərdiyi ən yaxşı nəticədən sonra liderliyi ələ alıb və yarışı inamla idarə edib. Uelsli pilot bildirib ki, əsas üstünlük yağışdan sonra daha təmiz trasda start mövqeyi olub.
Yaponiya pilotu Takamoto Katsuta isə ilk xüsusi mərhələdə baryerlə toqquşmadan sonra təkərinə ziyan vuraraq günün böyük hissəsini itirib və liderdən 1 dəqiqədən çox geri qalaraq altıncı yerdə qərarlaşıb.
Yaponiya rallisi şənbə günü davam edəcək. İştirakçıları 120 kilometrdən çox xüsusi mərhələ gözləyir.
Ümumi sıralama (6 xüsusi mərhələdən sonra):
Elfin Evans (Toyota Gazoo Racing WRT) — 1:13:07.0
Oliver Solberq (Toyota Gazoo Racing WRT) +15.7
Sebastyan Oje (Toyota Gazoo Racing WRT) +17.1
Sami Payaari (Toyota Gazoo Racing WRT2) +41.5
Tyerri Növill (Hyundai Shell Mobis WRT) +58.2
Takamoto Katsuta (Toyota Gazoo Racing WRT) +1:03.8
Adriyen Furmo (Hyundai Shell Mobis WRT) +1:16.3
Heyden Paddon (Hyundai Shell Mobis WRT) +2:17.0
Con Armstronq (M-Sport Ford WRT) +2:40.9
Aleksandro Kachon (Toyota GR Yaris Rally2) +3:26.6
Nikolay Qryazin (Lancia Corse HF) +3:34.9
