Minifutbol üzrə Azərbaycan millisi Slovakiyada keçirilən Avropa çempionatında qrupu lider başa vurub.
Fanat.Az xəbər verir ki, Elşad Quliyevin baş məşqçisi olduğu kollektiv F qrupundakı üçüncü matçında Fransa ilə üz-üzə gəlib.
"Tipos Arena"da keçirilən qarşılaşma komandamızın qələbəsi ilə bitib - 3:2.
Birinci hissədə rəqib oyunçu avtoqol müəllifi olub. İkinci hissədə Elvin Əlizadə və Ramiz Çovdarov fərqləniblər. Qrupun digər oyununda Avstriya İtaliyanı 5 cavabsız qolla üstələyib.
Daha əvvəl Avstriya (1:0) və İtaliyanı (3:0) məğlub edən Azərbaycan millisi xallarının sayını 9-a çatdırıb və qrup lideri olub. Komanda növbəti mərhələyə vəsiqəni ötən tur rəsmiləşdirib. Fransa 4 xalla ikinci, Avstriya 3 xalla üçüncü, İtaliya 1 xalla sonuncu yeri tutub.
