Bizim media portalından verilən məlumata əsasən, ain.az bildirir.
Maltanın cənubundakı Qaxaq (Għaxaq) qəsəbəsi yaxınlığında yerləşən məşhur “Lourdes Fireworks Factory” fişəng fabrikində dəhşətli partlayış baş verib.Bizim.Media xarici KİV-ə istinadən xəbər verir ki, yerli vaxtla səhər saatlarında qeydə alınan güclü partlayış səsi adanın böyük bir hissəsində eşidilib və göyə nəhəng tüstü dumanı ucalıb.Partlayışın yaratdığı güclü zərbə dalğası fabrikin ətrafındakı kənd təsərrüfatı sahələrinə, yaxınlıqdakı yaşayış evlərinə və park edilmiş avtomobillərə ciddi ziyan vurub.Hadisə şahidlərinin sözlərinə görə, bəzi evlərin pəncərələri sınıb, dam örtükləri çöküb.
Hadisə yerinə dərhal Malta Mülki Müdafiə Departamentinin çoxlu sayda yanğınsöndürmə briqadaları, polis və təcili tibbi yardım maşınları cəlb olunub. Ərazi təhlükəsizlik mülahizələrinə görə tamamilə mühasirəyə alınıb.
İlkin rəsmi məlumatlara görə, partlayış anında fabrik daxilində işçilərin olub-olmaması və xəsarət alanların dəqiq sayı araşdırılır. Hazırda yanğınsöndürənlər ərazidəki digər partlayıcı maddələrin alışmasının qarşısını almaq üçün soyutma işləri aparırlar. Hadisənin başvermə səbəbləri ilə bağlı rəsmi təhqiqat başladılıb.
Bizim.Media
Ən son xəbərləri və yenilikləri almaq üçün ain.az saytını izləyin.
