ain.az, Olay.az saytından verilən məlumata əsaslanaraq xəbər yayır.
Xalq artisti Emin Ağalarovla Coninin (Cahid Hüseynli) duet mahnısı “Камин” təkcə Rusiya və MDB məkanında deyil, dünyanın müxtəlif ölkələrində trendə çevrilib.
OLAY yazır ki, milyonlarla istifadəçi bu musiqi ilə videolar çəkib, bir çoxları isə onu ispan, türk, koreya və ərəb dilləri də daxil olmaqla öz ana dillərində ifa edib. Məhz bu qlobal maraq ifaçıları yeni addım atmağa sövq edib.
Mahnının orijinal buraxılışından altı il sonra təqdim olunan “Fireplace” “Камин”in beynəlxalq versiyası kimi dinləyicilərə təqdim edilib. Mahnı artıq bütün rəqəmsal platformalarda yayımlanıb. Daha əvvəl təqdim olunan klipdə isə artıq ingilisdilli musiqi cığırını seçmək mümkündür.
Kompozisiya dünya üzrə “Shazam” çartının ilk üçlüyünə daxil olub, klip və lirik video isə YouTube platformasında yüz milyonlarla baxış toplayıb. Mahnı minlərlə sevgi hekayəsinə, münasibətlərə, talelərə və arzulara müşayiət edib və bu gün də populyarlığını artırmaqdadır.
“İstəyirdik ki, mahnını başqa ölkələrdə də başa düşsünlər. Çünki burada təkcə yaddaqalan melodiya deyil, həm də dərin məna daşıyan sözlər var. Dünyanın müxtəlif yerlərində insanlar mahnıya öz dillərində coverlər hazırlayırdılar və biz də onlara universal ingilisdilli versiya təqdim etmək istədik. Şadam ki, nəhayət bunu həyata keçirə bildik”, – deyə Emin bildirib.
“Камин” Emin və Coninin ilk birgə işi olub və eyni zamanda onların ən uğurlu layihəsinə çevrilib. Sosial şəbəkələrdə milyonlarla video və şərh, rekord baxış sayı və artan maraq göstərir ki, mahnı artıq çoxdan lokal hit statusunu geridə qoyub.
“Ən güclü işlər bəzən gözlənilmədən ortaya çıxır. ‘Камин’ də məhz belə yarandı. Mahnını səhər saat altıda, kaminin yanında yazmışdım və onun dünyanın müxtəlif ölkələrində bu qədər insana toxunacağını təsəvvür etmirdim”, – deyə Coni qeyd edib.
Emin isə əlavə edib ki, mahnının dinləyicilər tərəfindən seviləcəyini gözləsələr də, Rusiyadan kənarda belə böyük uğur qazanacağını düşünmürdülər. Onun sözlərinə görə, məhz bu uğur layihənin sonrakı inkişafı üçün başlanğıc nöqtəsinə çevrilib.
Beləliklə, “Fireplace” indi bütün dünyada anlaşılan bir dildə səslənərək, “Камин”i beynəlxalq musiqi fenomeninə çevirən səmimiyyəti və atmosferi qoruyub saxlayır.
Sonrakı hadisələr barədə daha çox məlumat almaq üçün ain.az saytını izləyin.
