Tehran Vaşinqtonun təzyiqlərinə cavab olaraq hazır olduğunu və bütün imkanlarını hələ ortaya qoymadığını bildirib...
Poliqon xəbər verir ki, İran Silahlı Qüvvələrinin “Xatəm əl-Ənbiya” mərkəzi qərargahının baş müavini Məhəmməd Cəfər Asadi ABŞ ilə hərbi qarşıdurmanın yenidən başlaya biləcəyini istisna etməyib. Onun sözlərinə görə, Tehran bu ssenariyə hazırdır və belə bir vəziyyəti problem kimi görmür.
Asadi bildirib ki, ABŞ İran qarşısında təslimiyyət tələb edir və müharibənin qaçılmaz olmasının səbəblərindən biri də məhz bu tələblərdir.
“ABŞ bizdən təslim olmağı tələb edir. Müharibə qaçılmazdır, çünki təslimiyyət bir seçim deyil. Biz buna hazırıq və bunu problem kimi görmürük, hətta NATO belə münaqişəyə qoşulsa belə, narahat deyilik”, deyə Asadi qeyd edib.
Onun sözlərinə görə, İran hələ öz hərbi imkanlarının tam potensialını nümayiş etdirməyib və mövcud vəziyyətdə müdafiə və cavab gücünün kifayət qədər yüksək səviyyədə olduğu bildirilir.
Açıqlama İran və ABŞ arasında uzun müddətdir davam edən gərginlik, sanksiyalar və regional təhlükəsizlik məsələləri fonunda səsləndirilib. Ekspertlər hesab edirlər ki, belə bəyanatlar tərəflər arasında diplomatik gərginliyi daha da artırır.
Poliqon.info
