Bakı, 24 iyul, AZƏRTAC
KXDR-dən göndərilən tullantı dolu şarlardan biri Seulda prezident administrasiyasının yerləşdiyi kompleksin ərazisinə düşüb.
AZƏRTAC xəbər verir ki, bu barədə Cənubi Koreyanın Yonhap agentliyi məlumat yayıb .
“Silahlı Qüvvələrin Baş Qərargah Rəisləri Komitəsi ilə birgə Şimali Koreyadan atılan tullantı yüklü şarlarla bağlı vəziyyətin monitorinqi zamanı Yonqsan bölgəsindəki hökumət kompleksinin ərazisində qalıqlar aşkar edilib”, - deyə Cənubi Koreya prezidentin müdafiə xidməti bildirib.
Mütəxəssislər tullantılar arasında təhlükəli maddə aşkar etməyiblər.
