Gündəlik həyatda bir çox insanın yaşadığı narahatlıqlardan biri olan ağız qoxusu sosial əlaqələrdə narahatlıq və utancaqlıq yarada bilər. Ancaq ağız qoxusunun səbəbləri bilinərsə, təsirli həll yolları ilə bu problem böyük ölçüdə aradan qaldırıla bilər.
Medicina.az xəbər verir ki, ağız qoxusunun ən çox yayılmış səbəbi ağızda bakterial təbəqələrin yığılmasıdır. Dişlərin ətrafında, diş ətləri arasındakı boşluqlarda və dişlərin köklərində yığılan bakteriyalar ağız qoxusuna səbəb olur. Bu bakteriyalar təmizlənmədikdə təkcə ağız qoxusu deyil, diş əti xəstəlikləri və diş çürüməsi də yarana bilər.
Dişlərin müntəzəm və düzgün fırçalanması ağız qoxusunun qarşısının alınmasında ən vacib addımdır. Dişləri fırçalamaq diş səthindən və dişlər arasında olan bakteriyaları təmizləyir. Dilin təmizlənməsinə də laqeyd yanaşmamaq lazımdır, çünki dildəki bakteriyalar ağız qoxusuna əhəmiyyətli dərəcədə kömək edə bilər.
Diş ipi və ağız qarqarasından istifadə də bakteriyaların yığılmasının qarşısını almaq üçün dəstəkləyici üsullardır. Diş əti xəstəliklərinin və digər problemlərin erkən diaqnozu üçün müntəzəm diş həkimi müayinəsi çox vacibdir.
Bundan əlavə, siqaret, spirtli içki qəbulu və müəyyən qidaların (məsələn, sarımsaq və soğan) həddindən artıq çox yeyilməsi ağız qoxusunu artıra bilər. Bol su içmək və sağlam qidalanma ağız mühitini tarazlamağa kömək edir.
Aygün
Medicina.az
