Hindistanın şimalındakı Himaçal-Pradeş əyaləti iyunun 20-dən bəri musson yağışlarının təsiri altındadır.
Xalqcəbhəsi.az “Anadolu” Xəbər Agentliyinə istinadla bildirir ki, əyalətdə güclü yağışların səbəb olduğu sel və torpaq sürüşmələrində ölənlərin sayı 78-ə, yaralıların sayı isə 121-ə yüksəlib. 243 yolun bağlandığı əyalətin müxtəlif bölgələrində axtarış-xilasetmə işləri davam edir.
Hindistan Meteorologiya İdarəsi (IMD) Himaçal-Pradeş üçün xəbərdarlıq edərək güclü yağışların iyulun 9-dək davam edəcəyini bildirib.
Qeyd edək ki, iyun-sentyabr aylarında Cənubi Asiyada təsirli olan musson yağışları, xüsusilə Hindistanda hər il böyük təbii fəlakətlərə və qəzalara səbəb olur.
