Arılar 20-dən çox şəxsə hücum etdi: 3-nün vəziyyəti ağırdır

Fransada arı hücumu nəticəsində iyirmidən çox insan yaralanıb.

News24.az xəbər verir ki, BFMTV xəbər verir ki, iyulun 6-da Aurillacda yüzlərlə arı qəfildən yoldan keçənlərə hücum edib. Nəticədə 24 nəfər xəsarət alıb, üç nəfərin vəziyyəti ağırdır. 

Hücum bir neçə dəqiqə davam edib və yerli sakinlər arasında əsl şoka səbəb olub. Hazırda zərərçəkənlərə lazımi tibbi yardım göstərilir. Paris Arıçılıq Məktəbinin ustad arıçısı Valid Loulidinin sözlərinə görə, belə hallar olduqca nadirdir. Adətən arılar səbəbsiz hücum etməkdənsə, özlərini müdafiə edirlər.

Aqil