Texasda naməlum şəxs sərhəd patrulunun binasına hücum edib, nəticədə üç nəfər yaralanıb.
Teleqraf xəbər verir ki, bu barədə ABŞ-nin Daxili Təhlükəsizlik Nazirliyi “X” sosial şəbəkəsində məlumat yayıb.
"Naməlum şəxs Texas ştatının Mak-Allen şəhərində Amerika Birləşmiş Ştatlarının sərhəd patrul sektorunun girişində atəş açıb", - paylaşımda qeyd olunub.
Bildirilir ki, hadisə nəticəsində iki polis əməkdaşı və bir sərhəd patrul əməkdaşı yaralanıb, hücum edən şəxsi neytrallaşdırmaq mümkün olub.
