BAKI, 22 avqust. TELEQRAF
ABŞ Prezidenti Donald Tramp federal “rəqəmsal və fiziki xidmətlərin” dizaynını təkmilləşdirmək üçün milli dizayn studiyası yaradılması haqqında sərəncam imzalayıb.
Teleqraf xəbər verir ki, məlumatıAğ Evdən yayıblar.
Milli dizayn studiyası standartlaşdırılmış dizayndan istifadə etmək və "dövlət xidmətləri ilə ictimai qarşılıqlı əlaqə"nin keyfiyyətini artırmaq üçün çalışacaq. İcra sərəncamına əsasən, studiya internet saytları və rəqəmsal xidmətlərin dizaynını təkmilləşdirmək üzərində işləyəcək, çünki mövcud xidmətlər ictimaiyyətin “ehtiyaclarını ödəmir”.
Bloomberg məlumatlı mənbələrə istinadən əlavə edir ki, "Airbnb"-nin həmtəsisçisi, milyarder Co Gebbia ABŞ-nin baş dizayneri vəzifəsinə təyin ediləcək. O, hazırda Tramp administrasiyasında, Hökumətin Səmərəliliyi Departamentində (DOGE) işləyir.
