1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Ukrayna xüsusi əməliyyat qüvvələri Kareliyada Rusiyanın "Qrad" kiçik raket gəmisinin məhv edilməsi əməliyyatını açıqlayıb.
Oxu.az "Unian"a istinadən xəbər verir ki, əməliyyat oktyabrın 4-də keçirilib. Xüsusi təyinatlılar tərəfindən Baltikdən Xəzər dənizinə doğru hərəkət edən "21631 Buyan-M" raket gəmisi (quyruq nömrəsi 575) məhv edilib.
Zərbə hərəkət bölməsinin sağ tərəfinə dəyib və gəmiyə ciddi ziyan vurub.
Əlavə təfərrüat hələ də dəqiqləşdirilir.
Məlumata görə, "Qrad" Rusiyanın ən yeni gəmilərindən biridir. O, 29 dekabr 2022-ci ildə Baltik Donanmasına təhvil verilib. Gəminin əsas silahı Ukraynaya zərbələr endirmək üçün istifadə edilən "Kalibr" raket sistemidir.
