Premyer Liqa: Noyabrda 12-ci derbi

Bu həftə futbol üzrə Azərbaycan çempionatının (Premyer Liqa) 2025/2026-cı illər mövsümünün ilk Azərbaycan derbisi baş tutacaq.

Arena.az xəbər verir ki, Premyer Liqanın 2025/2026-cı illər mövsümünün 11-ci turu çərçivəsində “Qarabağ” “Neftçi”ni qəbul edəcək.

“Zəfər turu” çərçivəsində noyabrın 9-da “Azərsun Arena”da keçiriləcək bu qarşılaşmaya saat 18:44-də start veriləcək.

İndiyə qədər ilin 12 ayının hər birində derbi baş tutub.

Noyabrda – 11-ci ayda 11 derbi keçirilib.

Derbi heç vaxt noyabrın 9-na təsadüf etməyib.

Hər iki komanda ən böyükhesablı qələbəsini noyabrda qazanıb – 04.11.2000. “Qarabağ” – “Neftçi” – 0:4, 08.11.2020. “Neftçi” – “Qarabağ” – 0:6.

“Neftçi” noyabrda daha üstündür – 6 qələbə, 3 heç-heçə, 2 məğlubiyyət, top fərqi 12-9.

“Qarabağ”ın meydanında noyabrda keçirilən oyunlarda qonaqlar üstündür – 3 qələbə, 1 heç-heçə, 1 məğlubiyyət, top fərqi 8-3.

“Neftçi” noyabrda evdə keçirdiyi derbilərdə üstündür – 3 qələbə, 2 heç-heçə, 1 məğlubiyyət, top fərqi 4-6.

“Qarabağ” evdə və noyabrda yeganə qələbəsini 1997-ci ildə qazanıb – 22.11.1997. “Qarabağ” – “Neftçi” – 1:0.

Rəqiblər ilk dəfə 1997 (22.11.1997. “Qarabağ” – “Neftçi” – 1:0), sonuncu dəfə 2020-ci ildə (08.11.2020. “Neftçi” – “Qarabağ” – 0:6) noyabrda qarşılaşıb. Ağdam klubunun qələbələri də məhz bu görüşlərdə qeydə alınıb.

Xəbəri istədiklərinizlə paylaşın