Dünyanın 300 ən zəngin şəhəri məlum olub.
Publika.az "CEOWORLD Magazine" jurnalının tərtib etdiyi reytinqə istinadən xəbər verir ki, birinci yeri Yaponiyanın paytaxtı Tokio tutub.
“Tokio 2025-ci ildə növbəti dəfə Yer kürəsinin ən zəngin şəhəri seçiləcək”, - deyə nəşr yazıb.
Məlumata görə, Tokionun ÜDM-i 2,55 trilyon dollara çatıb. Ən zəngin şəhərlər siyahısında ikinci yeri 2,49 trilyon dollar ÜDM-lə Nyu-York tutur. İlk üçlüyü 1,62 trilyon dollarlıq ÜDM ilə Amerikanın başqa bir meqapolisi Los-Anceles tamamlayıb. Sonrakı yerlərdə London (1,47 trilyon dollar), Seul (1,42 trilyon dollar) və Paris (1,39 trilyon dollar) qərarlaşıb. Araşdırmada qeyd olunur ki, reytinqdə ilk on şəhər dünya ÜDM-nin təxminən üçdə birini təşkil edir.
