BMT maddi çöküş riski ilə üz-üzədir.
APA “Reuters”ə istinadən xəbər verir ki, bunu BMT Baş katibi Antonio Quterreş deyib.
Quterreş buna səbəb kimi ödənilməmiş xərclər və büdcə qanununu göstərib.
O bildirib ki, büdcə qanunu BMT-ni xərclərdən artıq qalan vəsaiti geri qaytarmağa məcbur edir.
“Böhran dərinləşir və maliyyə cəhətindən çöküş riski yaradır. Yaxın gələcəkdə vəziyyət daha da pisləşəcək”,- Quterreş səfirlərə ünvanladığı məktubda vurğulayıb.
“Ya bütün üzv ölkələr öz öhdəliklərini yeri yetirərək ödənişləri tam və vaxtında həyata keçirməlidir, ya da maliyyə çöküşünün qarşısını almaq üçün büdcə qaydalarına dəyişiklik edilməlidir”,- Quterreş xəbərdarlıq edib.
Baş katib əlavə edib ki, BMT-nin maliyyə resursları iyul ayına qədər tükənə bilər.
Qeyd edək ki, ABŞ BMT-yə bağlı qurumlara könüllü maliyyə dəstəyini azaldıb və bu qurumun sülhməramlı missiyaları üçün ödənilən məcburi vəsaiti ödəməkdən imtina edib.
