Azertag portalından verilən məlumata görə, ain.az xəbər yayır.
Naxçıvan, 18 fevral, AZƏRTAC
Yaşat Fondu müxtəlif sosial layihələr reallaşdırır. “Qış düşərgəsi” də həmin sosial layihələrdən biridir. Artıq ikinci dəfədir ki, Naxçıvan Muxtar Respublikasında - Ağbulaq İstirahət Mərkəzində qış idman növlərinə marağı olan şəhid övladları ilə bir araya gəlmişik.
Bu sözləri AZƏRTAC-ın bölgə müxbirinə müsahibəsində Yaşat Fondunun rəhbəri Elvin Hüseynov deyib.
O qeyd edib ki, uşaqlar mərkəzdə xizək sürməyi öyrənir, idman bacarıqlarını inkişaf etdirir, yeni dostlar qazanır və asudə vaxtlarını səmərəli keçirirlər: "Hesab edirik ki, bu cür layihələr davamlı olmalıdır. Çünki sosial təşəbbüslər uşaqların sosiallaşmasına, dünyagörüşünün formalaşmasına və inkişafına mühüm töhfə verir".
"Layihələrdən söz düşmüşkən, Yaşat Fondu 2026-cı ilin hələ başlanğıcı olmasına baxmayaraq, artıq sayca dördüncü layihəsini uğurla həyata keçirir. İnanırıq ki, bundan sonra da bu kimi sosial layihələr ardıcıl şəkildə davam etdiriləcək", - deyə Elvin Hüseynov əlavə edib.
Ən son xəbərləri və yenilikləri almaq üçün ain.az saytını izləyin.
