Hörmüz boğazında İranın blokadasında 15-dən çox Amerika hərbi gəmisi iştirak edir. Bu barədə The Wall Street Journal (WSJ) ABŞ-ın yüksək vəzifəli məmuruna istinadən məlumat yayıb.
Mənbənin məlumatına görə, Yaxın Şərqə təyyarədaşıyan gəmi, bir neçə idarə olunan raket esminesi, amfibiya hücum gəmisi və bir sıra digər döyüş bölmələri yerləşdirilib. Nəşr qeyd edir ki, bu gəmilər göyərtədəki əməliyyatları dəstəkləmək üçün istifadə edilə bilən helikopterlər daşıya bilir.
ABŞ Mərkəzi Komandanlığı əvvəllər 13 apreldə İrana qarşı dəniz blokadasına başlayacağını açıqlamışdı. Amerika qüvvələri İslam Respublikasındakı limanlara gedən bütün gəmilərin, eləcə də onun sahillərini tərk etməyə çalışan gəmilərin hərəkətini bloklamaq niyyətindədir.
