Məlum olduğu kimi, türkiyəli iş adamı Acun Ilıcalının sahibi olduğu “Hall Siti” klubu İngiltərə Çempionşipində pley-off mərhələsinə vəsiqə qazanaraq böyük uğura imza atıb.
Bakıvaxtı.az xəbər verir ki, öz meydanında “Norviç Siti”ni qəbul edən “qaplanlar” gərgin keçən qarşılaşmadan 2:1 qalib ayrılmağı bacarıblar.
Matçın final fiti çalınan kimi isə stadionda əsl bayram ab-havası yaşanıb. Yüzlərlə azarkeş bu tarixi nailiyyəti futbolçularla birgə qeyd etmək üçün yaşıl meydana axışıb. Tribunadakı coşquya Acun Ilıcalının həyat yoldaşı Çağla Ilıcalı da qoşulub. Onun azarkeşlərlə birlikdə qələbəni qeyd etdiyi səmimi görüntülər sosial şəbəkələrdə geniş marağa səbəb olub. \“Qafqazinfo”
