Paris Olimpiadası ərəfəsində Fransanın paytaxtındakı hava limanları (“Orly” və “Roissy-CDG”) menecerlərinin 4 həmkarlar ittifaqı tətilə çağırış edib.
İş şəraitinin pisləşməsinə qarşı olan həmkarlar ittifaqları daha min nəfərin işə götürülməsi təklifinin reallaşmasını tələb edirlər. Bununla yanaşı, onlar Olimpiya və Paralimpiya Oyunları zamanı iş günlərinə zəmanət verilməsini istəyirlər. Paris aeroportları qrupunun (“Aeroports de Paris-ADP”) 4 həmkarlar ittifaqı (CGT, CFDT, FO və UNSA) iyulun 17-nə tətil elan edib. ADP qrupu baş direktorunun yalnız işçilərin bir hissəsinə bonus ödəmək qərarından həmkarlar ittifaqları təmsilçiləri təəssüfləndiklərini bildiriblər.
Mətbuata açıqlamada qeyd edilir ki, baş direktorun tələblərə laqeyd yanaşması yekdilliklə pislənilir. CGT, CFDT, FO və UNSA həmkarlar ittifaqları bildiriblər ki, onlar tətil elan etməyə məcburdurlar. Çünki ADR-in baş direktorunun inadkar imtinası, onun birləşmiş həmkarlar ittifaqları tərəfindən irəli sürülən ultimatumu lazımi səviyyədə qiymətləndirməməsi bu addımı atmağa məcbur edir.
L.QURBANOVA
XQ
