Ağ Ev İsrailin HƏMAS-a qarşı müharibə aparmasından getdikcə daha çox məyus olur. Çünki mülki vətəndaşların sayı artmaqdadır. Administrasiyanın çağırışlarına isə məhəl qoyulmur.
Ölkə.Az xəbər verir ki, bu barədə “Bloomberg” nəşrinin “Qəzza zolağında ölümlər çoxaldıqca, ABŞ-nin İsraildən narazılığı artır” başlıqlı məqaləsində yazıb.
Qeyd edilib ki, administrasiya İsrailin silah tələblərini yerinə yetirməyə davam edir və hələ də regiondakı əsas tərəfdaşını hər hansı nəticələrlə hədələməyib:
“İsrailin baş naziri Benyamin Netanyahu indiyədək Qəzzada amerikalıların girov qalması və yüzlərlə Fələstin əsilli amerikalının zolağı tərk edə bilməməsi ilə bağlı ABŞ-nin narahatlığını rədd edib”.
