29 noyabr gecəsi İsrail tərəfindən azad edilən 14-ü qadın, 16-sı uşaq olmaqla 30 fələstinli məhbus ailələri ilə görüşüb.
Sərbəst buraxılanlar arasında oktyabrın 7-dən sonra İsrail əsgərlərinin saxladığı “cəsur fələstinli qız” Ahed Təmimi də var.
Aralarında 14 fələstinli qadın və 16 uşaq da daxil olmaqla, işğal altındakı İordan çayının qərb sahilindən olanları aparan Qırmızı Xaç karvanı Ofer Hərbi Həbsxanasını gecə saatlarında tərk edib.
İsrail əsgərləri Ofer həbsxanası və Ramallah yolu üzərində yerləşən, Fələstinin Betunya qəsəbəsində gözləyən, əksəriyyəti gənclərdən ibarət fələstinlilərə zirehli hərbi ciplərlə müdaxilə edib.
İsrail ordusu bölgədəki fələstinlilərə qarşı gözyaşardıcı qaz və səs-küylü qumbara atıb və rezin güllələrlə atəş açıb. Fələstinlilərə həqiqi güllələrlə atəş açılması nəticəsində biri ağır olmaqla 5 fələstinli yaralanıb.
İsrail ordusunun Fələstin qəsəbəsinə basqın etməsi və baş verən hadisələrdən sonra Qırmızı Xaç konvoyu İsrail ordusunun nəzarətindən gecə saatlarında çıxa bilib.
Azad edilənlər arasında oktyabrın 7-dən sonra İsrail əsgərləri tərəfindən saxlanılan cəsur fələstinli qız - Ahed Təmiminin də olduğu bildirilib.
Fələstinli məhbusları aparan karvan Fələstin və “Həmas” bayraqları daşıyan onlarla fələstinlinin müşayiəti ilə Ramallaha çatıb. Məhbuslar onları qarşılayanların müşayiəti ilə avtobusdan düşüblər.
