Rusiyanın xarici işlər naziri Sergey Lavrov aprelin 22-dən 23-dək Özbəkistanda səfərdə olacaq.
Publika.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
Onun sözlərinə görə, nazir Özbəkistan prezidenti Şavkat Mirziyoyev və respublikanın xarici işlər naziri Bəxtiyor Saidov ilə söhbət etməyi planlaşdırıb.
Zaxarova qeyd edib ki, əsas diqqət Moskva ilə Daşkənd arasında strateji əməkdaşlığın inkişafına, regional təhlükəsizlik və beynəlxalq təşkilatlar çərçivəsində qarşılıqlı fəaliyyətə yönəldiləcək.
