Vaşinqton üç iranlı şəxsə və bir şirkətə qarşı ikinci dərəcəli sanksiyalar tətbiq edir
ABŞ Maliyyə Nazirliyinin Xarici Aktivlərə Nəzarət İdarəsi (OFAC) üç iranlı şəxsə və bir İran şirkətinə qarşı ikinci dərəcəli sanksiyalar tətbiq edib. Qeyd edildiyi kimi, siyahıya daxil edilən bütün şəxslər kütləvi qırğın silahlarının yayılması proqramları ilə əlaqəlidirlər.
Sanksiya rejiminə əsasən, ABŞ-ın yurisdiksiyasında olan müəyyən şəxslərin və təşkilatların aktivləri dondurulur. Amerika vətəndaşlarına və şirkətlərinə onlarla hər hansı maliyyə və ya kommersiya sövdələşmələri etmək qadağandır.
