BAKI, 13 iyun, TELEQRAF
Kanadada daha əvvəl iyunun 15-nə planlaşdırılan G7 ölkələrinin sammitinin (Böyük Britaniya, Almaniya, İtaliya, Kanada, ABŞ, Fransa və Yaponiya) başlanması bir gün sonra baş tutacaq.
Teleqraf xəbər verir ki, bu barədə Kanada rəsmiləri bildiriblər.
Məlumata görə,G7 ölkələrinin yekun bəyanatı gözlənilmir, iştirakçılar yalnız bəzi məsələlər üzrə birgə kommünikelər çıxara bilər.
Sammitin gündəliyinə Ukrayna ilə yanaşı, enerji təhlükəsizliyi məsələləri, NATO ölkələrinin müdafiə xərclərinin artırılması və kritik xammala çıxış məsələləri daxil olacaq.
