Çəkiliş zamanı at, sonra skuterdən yıxılan tanınmış jurnalist Aytəkin Alxaslı bu dəfə qoyunların hücumuna məruz qalıb.
Belə ki, Xaçmazda ət kəsimi, ətin keyfiyyəti ilə bağlı reportaj hazırlayan jurnalistə Beyləqandan və Ağcabədidən Xaçmaza gətirilən qoyun sürüsü hücum edərək onu yerə yıxıb. Nəticədə jurnalist başından və qolundan xəsarətlər alıb.
Aytəkin Alxaslı aldığı xəsarətlərə görə, Xaçmaz rayon Mərkəzi Xəstəxanasına müraciət edib.
Müayinə zamanı onun yüngül xəsarət aldığı, qolunun isə əzildiyi məlum olub.
Xatırladaq ki, bir neçə il öncə Qusar rayonunda sərhəd zastavalarının açılışı zamanı jurnalist sərhəd zastavasının skuterini sınaqdan keçirmək üçün sükan arxasına keçib. Lakin telejurnalist qarlı havada sürəti tənzimləyə bilməyərək maneəyə çırpılıb və skuterdən yıxılıb.
O, daha öncə də reportaj hazırlayarkən atdan da yıxılmışdı.
Bizim.Media bununla bağlı görüntüləri təqdim edir:
Bizim.Media
