Millimiz macarlara uduzdu - Gümüş Avropa Liqası

Kişi voleybolçulardan ibarət millimiz Gümüş Avropa Liqasında növbəti matçını keçirib.

"Football-plus.az" xəbər verir ki, komandamız GİN-in Voleybol Mərkəzində Macarıstan voleybolçularına 1:3 hesabı ilə məğlub olub.

İlk setdə hesabda geri düşən yığma ikinci setdə bərabərliyə nail olsa da, üçüncü və dördüncü setlərdə rəqiblə bacarmayıb.

Gümüş Avropa Liqası
2-ci mərhələ
Azərbaycan - Macarıstan 1:3 (15:25, 25:22, 18:25, 16:25)

Qeyd edək ki, daha əvvəl Gürcüstana 3:0 hesabı ilə qalib gələn yığmamız İsveç və Lüksemburqa eyni hesabla uduzub. 4 oyundan sonra 3 xalı olan komandamız səkkiz iştirakçı arasında 5-ci yerdə qərarlaşıb.

Azərbaycan voleybolçuları növbəti oyunu iyunun 20-də Farer adaları yığması ilə keçirəcəklər.

• Yığma
• Məğlubiyyət
• Voleybol
• Gümüş Avropa Liqası