Qlobal miqyasda ticarət müharibələrini başladan və iynədən ipliyə qədər hər şeyə əlavə gömrük vergiləri tətbiq edən ABŞ Prezidenti Donald Trampın şirkəti yeni planını elan edib.
Trampın sahibi olduğu "Tramp Organization" ağıllı telefon istehsal edəcək.
Mobil texnologiyalar sahəsində fəaliyyət göstərmək istəyən "Tramp Organization", telefonun qiymətinin 499 dollar olacağını bildirib.
Telefon sentyabr ayında satışa çıxarılacaq.
Tramp Mobile adlı yeni xidmət rəsmi veb saytına görə, aylıq 47,45 dollar məbləğində bir planla məhdudiyyətsiz danışıq, SMS və internetin yanaşı, yol yardımı və “Tele-Tibb və Aptek Yardımı” xidmətləri də təklif edəcək.
T1 MODELİ SATIŞDA OLACAQ
Donald Trampın sahibi olduğu şirkət həmçinin, Amerika bayrağı təsvir edilmiş qızılı rəngli metal korpusa malik “T1” adlı ağıllı telefon modelinin də satışda olacağını açıqlayıb.
TELEFONUN TEXNİKİ XÜSUSİYYƏTLƏRİ
6.8 düym AMOLED ekran
120 Hz yeniləmə tezliyi
50 meqapiksel kamera
5000 mAh batareya
Barmaq izi və üz tanıma sensoru olacaq.
