Balıqçı Hallur Antoniussen Kanada sahillərində qara, almaz formalı aysberq aşkar edib...
Poliqon bu barədə “ScienceAlert” portalına istinadən xəbər verir.
Dənizçi kəşfini Saputi trou gəmisində Labrador dənizində işləyərkən kameraya çəkib.
Qleysioloq (buzlaqları tədqiq edən mütəxəssis) Lev Tarasovun sözlərinə görə, aysberq bu rəngi böyük yaşına görə alıb – onun yaşı 100 min ilə qədər ola bilər. Buzlağın qeyri-adi rənginin başqa bir səbəbinin buzdakı kül, his və ya kir qarışığı olduğu deyilir.
Qara buzlaqlar çox nadir olduğu üçün bunun dəqiq səbəbini yalnız bu və ya oxşar buz bloku tədqiqatçılar aşkar etdikdə öyrənmək mümkün olacaq.
Qeyd edilib ki, aysberqlərin adi ağ rəngi “gənc” buzlaqların yüksək hava ilə doyması ilə əlaqələndirilir. Yaşlandıqca hava məcburi şəkildə çıxarılır, bu da onların şəffaflaşmasına və işığı ötürməyə başlamasına səbəb olur. Bu prosesdə qırmızı işıq dalğaları udulur və mavi işıq dalğaları səpələnir, buna görə də aysberqlər yaşlandıqca mavimtıl rəng alırlar.
Poliqon.info
