İsrailin Baş naziri Binyamin Netanyahu bir gün əvvəl ABŞ Prezidenti Donald Trampla telefonla “isti söhbət” etdiyini bildirib və İsrail Ordusunun İrana endirdiyi zərbələr fonunda ona verdiyi dəstəyə görə təşəkkür edib.
"Report"un xəbərinə görə, B.Netanyahu bunu Baş nazirin Dəftərxanası tərəfindən yayılan gündəlik müraciətində deyib.
"İsrail Dövlətinin böyük dostu olan Prezident Trampa təşəkkür etmək istəyirəm. Ona dəstəyinə, bizim tərəfimizdə dayandığına və İsrailin səmasını qorumaqda ABŞ-nin göstərdiyi köməyə görə təşəkkür edirəm. Dünən axşam da daxil olmaqla, davamlı ünsiyyət qururuq. Çox səmimi söhbət oldu. Dəstəyə görə Prezident Trampa təşəkkür edirəm", - o qeyd edib.
