Venesuela Rusiyaya spirtli içki ixracına başlamaq üçün fəal şəkildə hazırlıq aparır.
NOCOMMENT.az xəbər verir ki, bu barədə ölkənin xarici ticarət üzrə xalq hakimiyyəti naziri Koromoto Qodoy Kalderon Sankt-Peterburq Beynəlxalq İqtisadi Forumu çərçivəsində keçirilən “Rusiya – Latın Amerikası” sessiyasında bildirib.
“Biz Rusiyaya rom və ənənəvi venesuela spirtli içkisi olan kokuyun tədarükünə başlamaq üzərində işləyirik,” – deyə nazir qeyd edib.
O, həmçinin əlavə edib ki, Venesuela Rusiyaya yalnız Latın Amerikası üçün səciyyəvi olan kofe, kakao və avokado kimi məhsulları deyil, həm də əlavə dəyərli istehsal məhsulları təklif edə bilər.
