Cəlilabad, 21 iyun, İlkin Adıyev, AZƏRTAC
Cəlilabad rayonunda ölümlə nəticələnən yol qəzası baş verib.
AZƏRTAC-ın bölgə müxbiri xəbər verir ki, qəza Cəlilabad rayonunun Göytəpə şəhəri ərazisində qeydə alınıb.
Belə ki, “VAZ 2106” və “Mercedes” markalı minik avtomobilləri bir-biri ilə toqquşub. Güclü zərbə nəticəsində “VAZ”ın sərnişini – 1957-ci il təvəllüdlü, Göytəpə şəhər sakini Əminağa Xudaqulu oğlu Tağıyev hadisə yerində həyatını itirib.
Hazırda hadisə ilə bağlı araşdırma aparılır. Qəzanın dəqiq səbəbləri ekspertiza və istintaq tədbirlərindən sonra məlum olacaq.
