Bakı, TurkicWorld
2025-ci ilin yanvar-may aylarında İraq vətəndaşları Türkiyədə 448 daşınmaz əmlak satın alıblar ki, bu da keçən ilin eyni dövrü ilə müqayisədə 15 obyekt azdır.
Bu barədə TurkicWorld-ə Türkiyənin Torpaq Kadastrı və Daşınmaz Əmlak Alqı-Satqısı üzrə Dövlət orqanından məlumat verilib.
Məlumata görə, bu ilin may ayında İraq vətəndaşları Türkiyədə 104 daşınmaz əmlak alıblar ki, bu da 2024-cü ilin aprel ayı ilə müqayisədə 6 obyekt azdır.
Qeyd edək ki, 2025-ci ilin may ayında Türkiyədə 130 min 25 mənzil satın alınıb ki, bu da 2024-cü ilin aprel ayı ilə müqayisədə 17,6 faiz çoxdur.
Məlumata görə, 2025-ci ilin yanvar-may aylarında Türkiyədə 584 min 170 mənzil satın alınıb.
"Bu göstəricilər 2024-cü ilin eyni dövrü ilə müqayisədə 25,4 faiz çoxdur", - deyə nazirlikdən qeyd edilib.
2025-ci ilin may ayında Türkiyədə xarici vətəndaşlara min 771 mənzil satılıb ki, bu da 2024-cü ilin eyni dövrü ilə müqayisədə 14,2 faiz azdır.
Eyni ilin yanvar-may aylarında əcnəbi vətəndaşlar Türkiyədən 7 min 789 mənzil alıblar ki buda keçən ilin eyni dövrü ilə müqayisədə 13,7 faiz azdır.
