"Barselona" Runi Bardci ilə razılığa gəlib.
Operativ Media xəbər verir ki, bu barədə insayder Fabrizio Romano məlumat yayıb.
İstedadlı isveçli cinah oyunçusu Runi Bardcinin "Barselona"ya transferi rəsmiləşmək üzrədir. Tərəflər arasında şifahi razılıq əldə olunub və müqavilə gələn həftə imzalanacaq.
Kataloniya klubu transfer üçün "Kopenhagen"ə 2 milyon avro ödəyəcək. Müqavilədə həmçinin əlavə bonuslar və növbəti satışdan pay maddəsi də yer alır.
Gənc futbolçu ilə uzunmüddətli müqavilə bağlanıb.
