Turş meyvə şirələrinin bəzi dərmanların, xüsusilə ürək yanması əleyhinə preparatların (antasidlərin) təsirini azalda bilir.
Redaktor.az xəbər verir ki, bu barədə klinik farmakoloq Aleksandr Bıkov Gazeta.Ru-ya danışıb.
Mütəxəssisin sözlərinə görə, alma, limon və tartarik kimi təbii meyvələrdə yüksək miqdarda üzvi turşular mövcuddur. Bu turşular mədə-bağırsaq traktında pH mühitini dəyişdirərək dərmanların sorulmasına və onların aktiv maddələrinin təsirinə mənfi təsir göstərə bilər.
“Tədqiqatlar göstərir ki, turş meyvə şirələri antasid dərmanların effektivliyini azalda, onların qoruyucu kapsullarının açılma vaxtını dəyişdirə bilər”, - deyə Bıkov izah edib.
Farmakoloq əlavə edib ki, qreypfrut və digər sitrus meyvələrində olan furanokumarinlər dərmanların metabolizmasını dəyişə bilər. Bu isə ya dərmanın təsirini azaldır, ya da orqanizmdə onun miqdarını təhlükəli həddə çatdırır.
Onun sözlərinə görə, hətta kiçik miqdarda qəbul edilən qreypfrut şirəsi 72 saata qədər təsir göstərə bilər.
Ekspert həmçinin vurğulayıb ki, yay meyvələrində olan yüksək fruktoza konsentrasiyası da həzm sisteminə əlavə yük yaradır.
Aytəkin TOFİQQIZI
