Belarus prezidenti Aleksandr Lukaşenko həmvətənləri və şəxsən öz adından Amerika Birləşmiş Ştatlarının prezidenti Donald Trampı və bütün amerikalıları Müstəqillik Günü münasibətilə təbrik edib.
APA xəbər verir ki, bu barədə BELTA-ya Belarus liderinin mətbuat xidmətindən məlumat verilib.
"Sizin birinci prezidentliyiniz dövründə Minsk və Vaşinqton münasibətlərinin normallaşması yoluna qədəm qoydular. Təəssüf ki, müəyyən məqamda Belarus-ABŞ əməkdaşlığı həmin müsbət xətdən kənara çıxdı. Mən əminəm ki, bu vəziyyət nə ölkələrimizin, nə də xalqlarımızın milli maraqlarına uyğun gəlmir. Artıq bunu dəyişməyin vaxtı çatıb", - Lukaşenko qeyd edib.
O həmçinin qeyd edib ki, Belarus həmişə ABŞ-la konstruktiv və hörmətli dialoqun qurulmasının tərəfdarı olub.
