Moldova Aİ-yə üzvlük danışıqlarında Ukraynadan ayrı olaraq nəzərdən keçirilməyəcək.
AFN.az xəbər verir ki, bunu Moldova Prezidenti Maya Sandu Kişinyovda Avropa Şurasının sədri Antonio Kosta və Avropa Komissiyasının sədri Ursula fon der Leyenin iştirak etdiyi Aİ-Moldova sammitinin yekunları ilə bağlı danışarkən deyib.
"Moldova və Ukraynanın Aİ-yə daxil olmaq üzrə danışıqlara başlamaq üçün müraciətləri arasında heç bir fikir ayrılığı olmayıb və hər iki ölkənin inteqrasiyası Avropa təhlükəsizliyini gücləndirəcək. Biz Ukrayna üçün aydın təminatlarla davamlı sülhü dəstəkləyirik və onu dəstəkləməkdə həmrəy olmalıyıq. Aİ-yə daxil olmaq Moldova üçün mücərrəd məqsəd deyil.
Bu gün biz ölkəmizin Aİ-yə üzv olub-olmayacağı barədə danışmadıq, amma nə vaxt olacağını müzakirə etdik. Avropa ilə yaxınlaşma öz bəhrəsini verir - bizim nəhəng bazara çıxışımız var, bunlar dəqiq qaydaları olan ciddi tərəfdaşlardır. Qarşıdakı 3 il ərzində ölkəmizə 1,9 milyard avro sərmayə qoyulacaq, Avropaya bank köçürmələrinin dəyəri oktyabr ayından etibarən azalacaq və ilin sonuna kimi tamamilə bitəcək. Aİ "Ungheni-İasi" yol infrastrukturunun bərpası üçün yeni layihəni təsdiqləyib”, - deyə Sandu bildirib.
O, sammit formatının daimi dialoq platformasına çevriləcəyinə ümid etdiyini bildirib.
